Na caricatura, aparece Leopoldo II sostindo nas súas mans unhas bolsas cheas de diñeiro, que representan as riquezas apropiadas no Congo por Leopoldo II. Diante del, hai dous homes dándolle a espalda dos que só vense as pernas. O da esquerda, é un soldado francés, ao que podemos identificar grazas aos pantalóns de cor vermella, que eran caractarísticos dos soldados franceses (normalmente dos granadeiros da Garda Imperial). O home da dereita, é un soldado prusiano, un comandante do batallón movil, caracterizado por esas botas altas de cor negra.
Esta imaxe, simboliza a intención de Leopoldo II de manterse á marxe da guerra entre Francia e Prusia, que loitaron dende o 1870 ata o 1871. Prusia buscaba a unificación de Alemaña, e Francia pola súa parte tiña intencións de xuntarse a Luxemburgo. Cando o xeneral español Juan Prim visitou ao príncipe Carlos Antonio de Hozenzollern-Sigmarigen para expoñerlle a posibilidade de que o seu fillo Leopoldo aceptase o trono de España, Otto von Bismarck interviu para forzar a aceptación. Pouco despois Carlos Antonio renunciou á candidatura do seu fillo. Guillerme I enviou un telegrama a Bismarck (Telegrama de Ems) narrándolle o acontecido. Bismarck optou por modificar o telegrama de maneira que parecese que o embaixador francés fora despedido por Guiellerme I, e fíxoo público na prensa. Francia declaroulle a guerra a Prusia, pero finalmente Francia foi vencida por Prusia que, aliada xunto a Alemaña, formaban un moderno e eficiente exército.
Leopoldo II mantivo esta neutralidade xa que soamente lle interesaba a explotación no Congo, e non quería por as grandes riquezas apropiadas desas terras en perigo.
